5.1   Algemene Gedrag.  Aangesien u die elite in die sekuriteitsindustrie van môre is word daar van u verwag om dienooreenkomstig op te tree: Dit word van u verwag om te alle tye professionele gedrag aan die dag te lê wat onder andere die volgende gedragseienskappe impliseer:

•  Persoonlike verbintenis tot stiltetyd en geestelike groei.
•   Vriendelik
•  Hoë standaard van persoonlike higiëne.

•  Respek vir Gesag
     ◘  Staan op wanneer ‘n instrukteur of gasspreker met jou praat.
     ◘  Wanneer ‘n instrukteur in u rigting beweeg sal u al die studente in u onmiddelike omgewing op aandag bring en die nodige eerbied betoon.
    ◘  Instrukteurs word as “INSTRUKTEUR” of as “MENEER” aangespreek.
    ◘  Familiariteit tussen instrukteurs en studente is streng verbode.
    ◘  Terugpratery, wederregtelike ongehoorsaamheid of dreigemente van enige aard teenoor medestudente en/of instrukteurs en Akademiepersoneel sal nie geduld word nie, en diesulkes wat hulle daaraan skuldig maak sal onmiddelik geskors word.
    ◘  Studente onder opleiding sal opstaan en die nodige respek betoon teenoor afgestudeerde studente (Sekuriteitsoperateurs).

•  Omgewingsbewustheid. Natuur- en omgewingsbewaring, tesame met die besparing van water en elektrisiteit word van u verwag.

5.2   Rookbeleid.  Rook is verbode in alle geboue, insluitende ablusiegeriewe.